منتديــــــــات آفــــــــــــاق الثقـــــــــــافة ..

حيث الثقافه والمتعه بلا حدود ..
 
الرئيسيةاليوميةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 كلمات اغاني فيروز

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبــدو
المشـــــرف العــــــــام
المشـــــرف العــــــــام
avatar

عدد الرسائل : 1205
تاريخ التسجيل : 13/12/2006

مُساهمةموضوع: كلمات اغاني فيروز   الجمعة أبريل 27, 2007 9:01 am

القدس العتيقة

غناء: فيروز

مريت بالشوارع

شوارع القدس العتيقة

قدام الدكاكين اللي بقيت من فلسطين

حكينا سوى الخبرية

وعطيوني مزهرية

قالوا لي هيدي هدية

من الناس الناطرين

ومشيت بالشوارع

شوارع القدس العتيقة

أوقف على باب بواب

صارت وصرنا صحاب

وعينيهم الحزينة

من طاقة المدينة

تاخدني وتوديني بغربة العذاب

كان في أرض وكان في إيدين عم بتعمر

عم بتعمر تحت الشمس وتحت الريح

وصار في بيوت وصار في شبابيك عم بتزهر

صار في ولاد وبإيديهم في كتاب

و بليل كله ليل صار الحزن سيد البيوت

والإيدين السودة خلعت الأبواب

وصارت البيوت بلا أصحاب

بينهن وبين بيوتهن صار مثل الشوك والنار

والإيدين السودة

عم صرّخ بالشوارع

شوارع القدس العتيقة

خلي الغنيّة تطير عواصف وهدير

يا صوتي ضلك طاير زوبع بهالضماير

خبرهن عاللي صاير بلكه بيوعى الضمير

.................................................. ...........

زهرة المدائن

لأجلك يا بهية المساكن يا زهرة المدائن

يا قدس يا قدس يا مدينة الصلاة

عيوننا إليك ترحل كل يوم

تدور في أروقة المعابد

تعانق الكنائس القديمة

و تمسح الحزن عن المساجد

يا ليلة الأسراء يا درب من مروا إلى السماء

عيوننا إليك ترحل كل يوم و انني أصلي

الطفل في المغارة و أمه مريم وجهان يبكيان

لأجل من تشردوا

لأجل أطفال بلا منازل

لأجل من دافع و أستشهد في المداخل

و أستشهد السلام في وطن السلام

و سقط الحق على المداخل

حين هوت مدينة القدس

تراجع الحب و في قلوب الدنيا أستوطنت الحرب

الطفل في المغارة و أمه مريم وجهان يبكيان و أنني أصلي

الغضب الساطع آتٍ و أنا كلي ايمان

الغضب الساطع آتٍ سأمر على الأحزان

من كل طريق آتٍ بجياد الرهبة آتٍ

و كوجه الله الغامر آتٍ آتٍ آتٍ

لن يقفل باب مدينتنا فأنا ذاهبة لأصلي

سأدق غلى الأبواب و سأفتحها الأبواب

و ستغسل يا نهر الأردن وجهي بمياه قدسية

و ستمحو يا نهر الأردن أثار القدم الهمجية

الغضب الساطع آتٍ بجياد الرهبة آتٍ

و سيهزم وجه القوة

البيت لنا و القدس لنا

و بأيدينا سنعيد بهاء القدس

بايدينا للقدس سلام آتٍ



سيفٌ فليشهرْ في الدنيا ولتصدعْ أبواقٌ تصدعْ

الآن الآن وليس غداً.. أجراسُ العودة فلتقرعْ

أنا لا أنساك فلسطينُ.. ويشدُّ يشدُّ بي البعدُ

أنا في أفيائك نسرينُ.. أنا زهر الشوك أنا الوردُ

سندكُّ ندكُّ الأسوارَ.. نستلهم ذاك الغارْ

ونعيد إلى الدارِ الدارَ نمحو بالنارِ النارْ

فلتصدعْ فلتصدعْ أبواقٌ أجراسٌ تقرعْ قد جُنَّ دمُ الأحرارْ
**************
بتتلج الدني

بتتلج الدني.. بتشمّس الدني.. ويا لبنان بحبك تا تخلص الدني

بخبّيك بعينيي.. وبقلّك غنية.. تلجك المحبة وشمسك الحرية

وطني يا حكاية بالعز مضوّاية.. ليش هالقد بحبّك يا غاية الغاية


بحبّك يا عينيّي لإنك غنيّة.. تلجك المحبّة وشمسك الحريّة
........................................

وطني

وطني.. يا جبل الغيم الأزرق

وطني.. يا قمر الندي والزنبق

يا وجوه الـ بيحبّونا..

يا تراب اللي سبقونا..

يا زغيّر ووسع الدني.. وسع الدني يا وطني

وطني.. يا دهب الزمان الضايع..

وطني.. من برق القصايد طالع..

أنا على بابك قصيدة..

كتبتها الريح العنيدة..

أنا حجرة أنا سوسنة.. أنا سوسنة يا وطني

جيراني بالقنطرة تذكّروني

وبلابل القمرة يندهوني

شجر أراضيك سواعد أهلي شجّروا

وحجار حفافيك وجوه جدودي الـ عمّروا

وعاشوا فيك من ميّة سنة.. من ألف سنة.. من أول الدني

وطني.. وحياتك وحياة المحبة

شو بني.. عم إكبر وتكبر بقلبي

وإيام اللي جايي جايي..

فيها الشمس مخبّاية..

إنت القوي وإنت الغني وإنت الدني.. يا وطني

.................................................. ...........

يا طيره طيري

يا طيره طيري يا حمامة وانزلي بدمر والهامة

جيبيها من حبه علامة ها الأسمر أيو الخال

أنا على ديني جننتيني دين العشق حرام والله

......

يا طيري طيري بوادينا واحكيلو عاللي مبكاينا

قوليلو حبك ضانينا ميا اسمر يا ابو الخال

انا علي ديني جننتيني دين العشق حرام والله
*************
أعطني الناي
غناء: فيروز


أعطني الناي وغني فالغنا سر الوجود
وأنين الناي يبقى بعد أن يفنى الوجود

هل إتخذت الغاب مثلي منزلاً دون القصور
فتتبعت السواقي وتسلقت الصخور
هل تحممت بعطره وتنشفت بنور
وشربت الفجر خمراً من كؤوس من أثير

هل جلست العصر مثلي بين جفنات العنب
والعناقيد تدلت كثريات الذهب
هل فرشت العشب ليلاً وتلحفت الفضاء
زاهداً في ما سيأتي ناسياً ما قد مضى

أعطني الناي وغني وانسى داء ودواء
إنما الناس سطورٌ كتبت لكن بماء


..........................................


طلعت يا محلا نورها

طلعت يا محلا نورها شمس الشموسة

بالله بنا نملا ونحلب لبن الجاموسة

......

قاعد ع الساقية يا خللي اسمر .. وحليوة

عوج الطاقية وقال لي غني لي غنيوه

قلت لو بقلبي يا خللي يا سمر .. يا حليلوه

قدم لي ورده وقال لي حلوه ... يا عروسة
.............................................


فايق يا هوى

فايق يا هوى كيف كنا سوى

والدمع سهرني ووصفو لي دوا

تاري الدواحبك وفتش علي الدوا



فايق لما راحوا أهالينا مشوار

تركونا وراحوا قالوا أولاد صغار

ودارت فينا الدار ونحن أولاد صغار

والهوى جمعنا وفر قنا الهوي



طير المسا جاي من سفر طويل

وعلى باب السهرة تبكي المواويل

ونسهر علي القمة تنيتنا سوى

فايق ع سهرة وكان في ليل وندي

والنار عم تنطفي بحضن الموقد

ولعت بمسافرة وما في كلام

ولا هدي قليك ولا قلبي هدي

ودام الحكي والناس ونهد السراج

ورتكبت غصون الورد عاكتف السياج

وفن القمر عا ضيعتو وفلوا البراج

بقلبك فقت بكي بتقوللي اقعدي



.................................................

سمرا يام عيون وساع

سمرا يام عيون وساع والتنورة .. النيلية

مطرح ضيق ما بيسا ع رح حطك .. بعيني

يا عيني عا ها لعيين الغاوية ورد انفخوا

وكيف ما التفتو عا لميلين قلوب قلوي بيند بحو

في نجم بلفتاتك ضاع حكيت عنك غنية

وسحرك ياللي ما بينباع مبكي الورد الجورية

لبما بتكوني حدي بشوف الدني مزارع ورد وفل

جو انح تعباني ورفوف حساسين تزقزق وتطل

ولما الأسرار بتنذاع ويزعل من شجا خبرية

بتقو ليلي ارجاع ارجاع ومدري شو بيصيرفي

جلسة لنا وعا لحب مجتمعين

واتنينا عالمقعد مجانين

لك قرسبي تنحكي شوي

عيونك وقلبي وسرها لحلوين

........

مبارح كانت عم بتقول عصفورة لاختها بالسر

شالك يا سمرا مغزول من لون الزهر المخضر

خليني بعينيك شراع قاصد منيا منسية

وان شي مرة الزنبق شاع خبيلي منو شوية
*****************
شادي
غناء: فيروز


من زمان أنا وصغيرة
كان في صبي يجي من الأحراش
ألعب أنا وياه
كان اسمه شادي

أنا وشادي غنينا سوى
لعبنا على الثلج
ركضنا بالهوا
كتبنا على الأحجار قصص صغار
ولوحنا الهوا

ويوم من الأيام ولعت الدني
ناس ضد ناس علقوا بهالدني
وصار القتال يقرب على التلال
والدني دني

وعلقت على اطراف الوادي
شادي ركض يتفرج
خفت وصرت اندهله
وينك رايح يا شادي
اندهله ما يسمعني
ويبعد يبعد بالوادي
ومن يومتها ما عدت شفته
ضاع شادي

والثلج اجه وراح الثلج
عشرين مره اجه وراح الثلج
وانا صرت اكبر وشادي بعده صغير
عميلعب عالثلج


........................................

يا عاقد الحاجبين
غناء: فيروز

يا عاقد الحاجبين على الجبين اللّجين

إن كنت تقصد قتلي قتلتني مرّتين

تمر قفز غزال بين الرّصيف و بيني

و ما نصبت شباكي ولا أذنت لعيني

تبدو كأن لا تراني و ملئ عينك عيني

و مثل فعلك فعلي ويلي من الأحمقين

مولاي لم تبق مني حيّاً سوى رمقين

أخاف تدعو القوافي عليك بالمشرقين
**************
على جسر اللوزية

على جسر اللوزية تحت وراق الفي

هب الغرب وطاب النوم وأخذتني الغفوية

وسألوا كتير علي على جس اللوزية



هب الغر وطاب النوم ندهونا وما وعينا

لا مونا وشو نفع اللوم غصب العناغفينا

يا حبايبنا خطي لا تلومونا خطي

كل يوم بنيطرنا يوم على جسر اللوزية

يا حبيبي اتنينتنا غرب ليل ودرب بعيدة

رح يسرقنتي عتم الدرب

تاخدنا سهرية ترجعنا سهرية

وهن يروحوا ونحن نضل علي جسر اللوزية

.................................................. .



الحالة تعبانه
الحالة تعبانه با ليلي خطبه مافيش

انت غنية يا ليلي ونحن الدراويش

.......

انت يوادي ونحر بوادي كل لحظة نعملها زيادة

أرض العنا بلا سجادة وإنت معودي تمشي ع الريش

.......

احتاروا فيكي وحيروكي ضللو حتى غيروكي

لبسوكي تاج ملوكي ونسيتي أهل الطرابيش

.......

رزق الله لمن كنتي وكنا نجمي لعندك وتيجي لعنا

تاري الحب عاش وتهنا صعبه وحده يرج يعيش

==========================================
يا لور حبك
يا لور حبك قد لوع الفؤاد
و قد وهبتك الحب و الوداد
ألا تذكري ليالي الصفا
و عهد عهدناه على الوفاء
الليل و الأحلام و الشاطئ النادى
و الشوق و الأنغام و الموطن الهاني
يا طيبها أيام أحلى من الغفى
و تنشد الأنسام على الوفا
........................................


مرمر زماني

مرمر زماني يا زماني مرمر
مرمرتني لا بد ما تتمرمر
مر و سألني لمين هالتشكيلي
و لوح بأيدو و الدنيي مقابيلي
قلتلو أوعي بقى توميلي
دريو بهوانا والحكي عم يكتر
مر و سألني وين عين الميي
و الغصن تاكي و الدنيي مضويي
قلتلو بعيد الطريق شويي
فيقت عاوردو نسيم عنبر
.............................


الميج الميج دبكة
الميج بو الميج يا بو الميجانا
أعراسنا غناني و هوا و حب و هنا
عقبالهن يتجوزوا كل ال أجو
و بعرسهن يتفرجوا عارقصنا
يا ليل نسم بالهوا عأهل الهوى
نسهر سوى و نحكي سوى يا حبابنا
هب الهوا و ميل جنى أغراسنا
و نادولنا نواطيرنا و حراسنا
ما أجملك بالحب يا ليالي الجبل
زيني عا زينات الدنيي أعراسنا
عريسنا بليل الهنا يبقى لنا
و تبقي لنا يا أرضنا و يا بلادنا
دنيتنا الوعر الصخر الزهر الوردات
حكايتنا القلب الحب الدرب الحنوات
شو حلوي يا ضيعتنا يا دنيتنا
فيك زرعنا محبتنا و حلوي الكرمات
و الليل العاطي سرارو و مضوي دارو
نزلوا بضيعتنا قمارو يحكوا حكايات
دنيتنا الوعر الصخر الزهر الوردات
حكايتنا القلب الحب الدرب الحنوات
قصتنا القلب الحب الدرب الحنوات
****************
بكوخنا يا بني
بكوخنا يا بني بهالكوخ الفقير
و التلج ما خلى و لا عودة حطب
و الريح عم يصفر فوق منو صفير
و تخزق بهالليل من جيرة قصب
وقفوا عشباكك يدقوا العصافير
بجوانحن يا جوانحن المتشرنين
جايين يتلطوا عا كتر الزمهارير
و رفيقك البلبل شو مشتقلك كتير
مخبيلك بعبو شي ميت سوسني يا بني
على واق لو فيي يا عيني لاطير
اتفقدك يا رجوتي بعدك زغير
عمرك و عمر العطر ما كفوا السني
و شو الدنيي يا بني و شو طعم الدنيي
ما هبجت وجيي إيديك الحرير
شو الجرس هالحامل بشارة العيد
شو ألف عيد و ألف أنينة نبيد
صوتك اليتدحرج بقلبي و عم يضيع
نازل عن التلة بهالوادي البعيد
حامل بإيد الصبح و بأيد الربيع
و من يوم هالغيبي و الله يسامحك
عم فرفت بهالفل عم قطف ريحان
عم بستعير من السما أجمل ألوان
و خرطش عا هالحيطان لنو ملامحك
و هالقلب عم حفو على اجريين السرير
عم مرمغو بلعبك بمطارحك بفراشك
بريحة ريشات جوانحك
بغبرة حوافر حصانك هالزغيري يا بني
.............................................

راضية
قعدت الحلوي تغزل بمغزالها
و تراجع حساب العتيق ببالها
عمر الهوى حكاياتها عهد المضا
و كيف غنت للحلو موالها
مش قايقة حكيت معو من أيمتي
مش فايقة يمكن بأيام الشتي
سألت اذا بيحبها و قالا اسكتي
و قرب و مدري شو ترك عاشالها
قديش يوما انقال و اتألف حكي
و قديش وعيت هالمخدة عالبكي
شو تغار شو تخبي و لا كانت تشتكي
و غير القمر ما كان داري بحالها
و اليوم حلما زهر و عاشوا سوى
و بعدا ظنونا كرم بمهب الهوا
و جروح ليش تعدها جروح الهوى
مازالها تركت بحقلو غلالها
راضيي تفيت عيونو راضيي
و ناسيي كل الجروج الماضيي راضيي
و بدموعها البيضا عا حبو ماضيي
حبو سماها و أرضها و تلالها
......................................


القطاف
يا كروما لنا حاليات الجنى ضاحكات الشفاة للسلال
أنت فوق الذرى حلم هذا الثرى و أشتياق الشموس للظلال
يا كروم لنا كل يوم هنا نحن في رؤية المسا هواف
و أنطلاق المدى مائج بالحلى في هتاف الجمال و القطاف
روابينا أراضينا أشجار و ثمار تنادينا
هدوء العشايا و سرب طيور غريب يعانق صمت المغيب وراء الحنايا
أناشيد راع تجوب المدى و تضيع تقول غدا يا قطيع نزور المراعي
الغيوم تضم التلال و تحضن عيد السلال
الكروم نضوج خجول و لحن قطاف يطول
متى يا حبيبي و نحن كروم حنين
ق ضاق هوانا الحنين متى يا حبيبي؟
سلالنا طافحات و نحن في المعابر نطير
سلالنا ضاحكات في لاحق المعاصر نسير
و في غد تثور و تقسو رياح
يزور عبير و تعرى بطاح
و في بيتنا على المنحنى سنسهر حتى الصباح
و في غد تهيم و تنأى طيور
و هذي الفرود سناها يفور
و في بيتنا على حبنا تقال حكايا العطور
يا حبيبي تعالى فالخريف صديقنا الأليف يلفنا بالطيوب
يا حبيبي هيأ معي السلال و لنتبع الظلال على جمال الدروب
أحبك ملئ الوجود فخذ سلة للقطاف
لا تسلني أين أنت سيختم هذا الطواف
سيوجعني أن تعود فارغ اليدين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشقة البحر
عضو نشيط
عضو نشيط
avatar

عدد الرسائل : 54
تاريخ التسجيل : 27/04/2007

مُساهمةموضوع: رد: كلمات اغاني فيروز   الجمعة أبريل 27, 2007 11:23 am

إسمح لى أن أحتفظ بنسخه منها عندى
واااااااااايد روعه خوى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عبــدو
المشـــــرف العــــــــام
المشـــــرف العــــــــام
avatar

عدد الرسائل : 1205
تاريخ التسجيل : 13/12/2006

مُساهمةموضوع: رد: كلمات اغاني فيروز   الجمعة أبريل 27, 2007 12:14 pm

شكرا لك على الرد الجميل
واحتفظى بنسخة منها
وانتظرى المزيد تقبلى تحياتى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كلمات اغاني فيروز
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديــــــــات آفــــــــــــاق الثقـــــــــــافة .. :: أقسام آفاق الثقافه :: منتدى الأغانــــــــــــــى ..-
انتقل الى: